ليه الناس متخوفة من صعود التيار الاسلامي المحافظ في مصر ....ده سؤال مهم ولازم نبحث ونفكر علي اجابة صحيحة بعيدا عن الخوف والفزاعات والحقيني ياما الراجل ابو دقن بيجري ورايا.....قبل كل شيء انا مش هتكلم من منطلق اني مسيحي ...لا انا هتخطي ده واتكلم كمصري محب لبلاده ويتمني انها تكون فوق كل البلاد...بس انا هنا هقسم بعض الاسباب للخوف للأسباب من وجهة نظر المسيحيين واسباب من وجهة نظر المسلمين واسباب مشتركة.
اولا: "دول هيضربونا ويسرقو بيوتنا وتجارتنا ويخضفو بناتنا (او يضحكو علي بناتنا ) وبعد كده يحرقو كنيسنا ويستولو علي الاديرة ويدفعونا الجزية" ده كلام هتلاقيه عند الكثير من المسيحيين اللي للاسف وعيهم ضيق او بسطاء في التفكير والمعيشة. وللاسف المسيحيين اللي بيفكرو كده بيستشهدو باحداث اليمة مرت بالوطن بداية من احداث الزوية الحمرا ومرورا بالكشح 1 و2 واخيرا حريق كنيستين بامبابة.
ثانيا: جزء اخر من المسيحيين مش شايف ان اول سبب واقعي لكن مؤمن بان فيه تمييز عنصري ضد المسيحيين في مصر وبوصول التيار الاسلامي المحافظ مظاهر التمييز العنصري هتكون اكتر.وللاسف المسيحيين اللي بيفكرو كده بيستشهدو بتصريحات لرموز التيار الاسلامي بانه مينفعش يكون رئيس مصر في اي وقت من الاوقات مسيحي وده بيدل علي ان المناصب العليا في مصر هتكون من نصيب المسلمين بغض النظر عن الكفاءة والاجتهاد. من الاخر مش هيبقي فيه حد مسيحي دكتور في الجامعة او ضمن جهاز الشرطه او الجيش والوزارة.
ثالثا: الحريات الشخصية وده سبب مشترك بين المسيحيين والمسلمين (وانا مش قصدي هنا الشذوذ الجنسي والعري و الملاهي اليلية لا انا اقصد حرية التعبير والفن والثقافة والابداع والرداء لانه فيه تخوف من ان التيار الاسلامي المحافظ يجبر الناس علي لبس معين زي افغانستان وايران). والناس اللي بتفكر كده بتستشهد باحداث منفرده بذاتها زي ما بعد ثورة ايران ورش مياه النار علي اوجه الفتيات لاجبارهن علي اللباس الديني.وزي ما شوفت علي فيديو في اليوتيوب مجموعة من الشباب المتشدد وهم بيجبرو شاب عامل معرض لرسوم كاريكاتيرية علي ازالة معرضه في الجامعة. وزي ما بنسمع اي حد ملتحي وهو بينتقد واحده مش محجبة او منقبة.
رابعا: تخوف مشترك بين المسلمين والمسيحيين في نضج الحركات الاسلامية خاصة في التعامل مع الدول الخارجية والمطالب بالحريات الداخلية. وهنا الناس بتستشهد بقمع المعارضة والتيار الاصلاحي في ايران وبعض مطالب التيار الاسلامي المحافظ في دخول الحرب مع اسرائيل وامريكا والغرب او قطع العلاقات مع الغرب لاجباره علي عدم دعم اسرائيل وحل للمشكلة الفلسطينية.
خامسا: تدخل رجال الدين في السلطة وتأليه رأس السلطة والنهي عن الخروج عنه او تعطيل العمل لتقدم الدولة بدواعي الدروشة لتجهيل الشعب.والكل هنا بيستشهد باوروبا في القرون الوسطي والمجتمع العربي في فترة حكم المماليك و الاندلس اللي كانت منارة عربية اسلامية وتم الاقتناص من تقدمها بتدخل رجال الدين وتكفير ما هو علمي او بحثي و خاصة مع بن رشد.
سادسا: التناقض الغريب في ردود التيار الاسلامي المحافظ علي الاسباب المذكورة اعلي.
اتمني اني اكون وضحت جزء كبير من المخاوف من التيار الاسلامي المحافظ. طيب ايه الحل؟ هل الحل باقصاء التيار بكامله او جزء منه زي ما حصل من نظام مبارك؟ اكيد لا. انا من وجهة نظري ان الحل في تنقية التيار الاسلامي من اي تيار متشدد ومغايرلطبيعة المصريين الوسطية وتاكيد التيار الاسلامي المحافظ علي افكار ثابتة واشتراكه مع باقي التيارات المصرية في مكافحة التكفير والنبذ والتعريف بطبيعة افكارهم بشكل واضح وغير قابل للتأويل.
مصر في عهد جديد مفيش مكان فيه للتخوين والاقصاء وفرض الرأي والتمييز بين اي فرد من افراد المجتمع. يجب علي كل الافراد التمسك ببناء مصرنا الحديثة.
جوزيف ابوالخل
28/6/2011
http://comedia-jooe.blogspot.com/
اولا: "دول هيضربونا ويسرقو بيوتنا وتجارتنا ويخضفو بناتنا (او يضحكو علي بناتنا ) وبعد كده يحرقو كنيسنا ويستولو علي الاديرة ويدفعونا الجزية" ده كلام هتلاقيه عند الكثير من المسيحيين اللي للاسف وعيهم ضيق او بسطاء في التفكير والمعيشة. وللاسف المسيحيين اللي بيفكرو كده بيستشهدو باحداث اليمة مرت بالوطن بداية من احداث الزوية الحمرا ومرورا بالكشح 1 و2 واخيرا حريق كنيستين بامبابة.
ثانيا: جزء اخر من المسيحيين مش شايف ان اول سبب واقعي لكن مؤمن بان فيه تمييز عنصري ضد المسيحيين في مصر وبوصول التيار الاسلامي المحافظ مظاهر التمييز العنصري هتكون اكتر.وللاسف المسيحيين اللي بيفكرو كده بيستشهدو بتصريحات لرموز التيار الاسلامي بانه مينفعش يكون رئيس مصر في اي وقت من الاوقات مسيحي وده بيدل علي ان المناصب العليا في مصر هتكون من نصيب المسلمين بغض النظر عن الكفاءة والاجتهاد. من الاخر مش هيبقي فيه حد مسيحي دكتور في الجامعة او ضمن جهاز الشرطه او الجيش والوزارة.
ثالثا: الحريات الشخصية وده سبب مشترك بين المسيحيين والمسلمين (وانا مش قصدي هنا الشذوذ الجنسي والعري و الملاهي اليلية لا انا اقصد حرية التعبير والفن والثقافة والابداع والرداء لانه فيه تخوف من ان التيار الاسلامي المحافظ يجبر الناس علي لبس معين زي افغانستان وايران). والناس اللي بتفكر كده بتستشهد باحداث منفرده بذاتها زي ما بعد ثورة ايران ورش مياه النار علي اوجه الفتيات لاجبارهن علي اللباس الديني.وزي ما شوفت علي فيديو في اليوتيوب مجموعة من الشباب المتشدد وهم بيجبرو شاب عامل معرض لرسوم كاريكاتيرية علي ازالة معرضه في الجامعة. وزي ما بنسمع اي حد ملتحي وهو بينتقد واحده مش محجبة او منقبة.
رابعا: تخوف مشترك بين المسلمين والمسيحيين في نضج الحركات الاسلامية خاصة في التعامل مع الدول الخارجية والمطالب بالحريات الداخلية. وهنا الناس بتستشهد بقمع المعارضة والتيار الاصلاحي في ايران وبعض مطالب التيار الاسلامي المحافظ في دخول الحرب مع اسرائيل وامريكا والغرب او قطع العلاقات مع الغرب لاجباره علي عدم دعم اسرائيل وحل للمشكلة الفلسطينية.
خامسا: تدخل رجال الدين في السلطة وتأليه رأس السلطة والنهي عن الخروج عنه او تعطيل العمل لتقدم الدولة بدواعي الدروشة لتجهيل الشعب.والكل هنا بيستشهد باوروبا في القرون الوسطي والمجتمع العربي في فترة حكم المماليك و الاندلس اللي كانت منارة عربية اسلامية وتم الاقتناص من تقدمها بتدخل رجال الدين وتكفير ما هو علمي او بحثي و خاصة مع بن رشد.
سادسا: التناقض الغريب في ردود التيار الاسلامي المحافظ علي الاسباب المذكورة اعلي.
اتمني اني اكون وضحت جزء كبير من المخاوف من التيار الاسلامي المحافظ. طيب ايه الحل؟ هل الحل باقصاء التيار بكامله او جزء منه زي ما حصل من نظام مبارك؟ اكيد لا. انا من وجهة نظري ان الحل في تنقية التيار الاسلامي من اي تيار متشدد ومغايرلطبيعة المصريين الوسطية وتاكيد التيار الاسلامي المحافظ علي افكار ثابتة واشتراكه مع باقي التيارات المصرية في مكافحة التكفير والنبذ والتعريف بطبيعة افكارهم بشكل واضح وغير قابل للتأويل.
مصر في عهد جديد مفيش مكان فيه للتخوين والاقصاء وفرض الرأي والتمييز بين اي فرد من افراد المجتمع. يجب علي كل الافراد التمسك ببناء مصرنا الحديثة.
جوزيف ابوالخل
28/6/2011
http://comedia-jooe.blogspot.com/
ليست هناك تعليقات:
إرسال تعليق